Carmen quīnquāgēsimum septimum - Gāius Valerius Catullus

 Carmen quīnquāgēsimum septimum - Gāius Valerius Catullus

Pulcrē convenit improbīs cinaedīs,

Māmurrae pathicōque Caesarīque.

nec mīrum: maculae parēs utrīsque,

urbāna altera et illa Formiāna,

impressae resident nec ēluentur:

morbōsī pariter, gemellī utrīque,

ūnō in lecticulō ērudītulī ambō,

nōn hic quam ille magis vorāx adulter,

rīvālēs sociī puellulārum.

pulcrē convenit improbīs cinaedīs.

1ος π.Χ. αἰώνας, Carmina