Carmen ūndecimum - Quīntus Horatius Flaccus
Tū nē quaesierīs, scīre nefās, quem mihi, quem tibī
fīnem dī dederint, Leuconoē, nec Babylōniōs
temptāris numerōs. Ut melius quidquid erit patī,
seu plūrīs hiemēs seu tribuit Iuppiter ultimam,
quae nunc oppositīs dēbilitat pūmicibus mare
Tyrrhēnum: sapiās, vīna liquēs, et spatiō brevī
spem longam resecēs. Dum loquimur, fūgerit invida
aetās: carpe diem, quam minimum crēdula posterō.
23 π.Χ., Carminum prīmus
Δεν υπάρχουν σχόλια:
Δημοσίευση σχολίου